GGG Sanchespen sońǵy ret ne jaıly sóıleskenin aıtty

NUR-SULTAN. QazAqparat - Birneshe tujyrymdar boıynsha orta salmaqtaǵy burynǵy álem chempıony Gennadıı Golovkın burynǵy jattyqtyrýshysy Abel Sanchespen eshqandaı daý-janjalsyz aıyrylysqanyn aıtty, dep habarlaıdy QazAqparat Sports.kz saıtyna silteme jasap.

GGG men Abel qarjylyq jaǵynan kelise almaǵan.

Sanchestiń aıtýynsha, Golovkın bapkerlik tólemderdi birden qysqartýdy talap etken. Maman birlesken jumysty toqtatý týraly jarııa etilgennen keıin qamqorlyǵyndaǵy burynǵy boksshyny ashkóz jáne jaqsylyq istegendi bilmeıtin adam dep atady.

Abel sen ketkennen keıin sen týraly kóp sóz aıtty. Bul týraly ne oılaısyń?

«Bul Abeldiń sharýasy. Sońǵy ret sóıleskenimiz esimde. Men oǵan qońyraý shalyp bylaı dedim: «Abel, barlyǵy úshin kóp rahmet. Men sizdi qurmetteımin, siz keremet bapkersiz jáne maǵan kóp nárse úırettińiz. Úlken rahmet», - dep jaýap berdi Gennadıı jýrnalıst Krıs Mennıkske bergen suhbatynda.