GGG promoýteri «Kaneloǵa» qarymta kezdesý ótkizý úshin qatań talap qoıdy
ASTANA. QazAqparat - Qazaqstandyq boksshy Gennadıı Golovkınniń toby (38-0-1, 34 KO) meksıkalyq Saýl Alvarespen qarymta kezdesý ótkizýge qatysty pikir bildirdi (49-1-2, 34 KO), dep málimdedi Sports.kz.
«Bul jekpe-jek ótýi úshin «Kanelo» VADA testileýine qaıtadan tirkelýi kerek», - degen GGG tobynyń sózin Los Angeles Times Lens Pagmaır jýrnalısti keltirdi.
Eske sala keteıik, Golovkın men «Kanelonyń» ekinshi jekpe-jegi 5 mamyrda bolýy kerek edi, alaıda meksıkalyq boksshynyń qanynan klenbýterol izderiniń tabylýyna baılanysty ótpeı qaldy. Osynyń saldarynan Nevada shtatynyń atletıkalyq komıssııasy ony alty aıǵa bokstan shettetti. Alvares sharshy alańǵa 17 tamyzda ǵana qaıtyp kele alady, ıaǵnı Meksıka táýelsizdik kúni merekesine oraı qyrkúıektegi demalys kezinde jekpe-jek bolýy yqtımal.
