GGG - naǵyz qubyjyqtyń ózi, biraq Korobov onymen kezdesýge daıyn - Matveı Korobovtyń menedjeri
ASTANA. QazAqparat - Reseılik kásipqoı bylǵary qolǵap sheberi Matveı Korobovtyń menedjeri Maık Boraonyń aıtýynsha, boksshy Bob Arým jáne onyń Top Rank kompanııasymen aradaǵy kelisimshart buzyldy, dep habarlaıdy Vesti.kz BoxingScene saıtyna silteme jasaı otyryp.
"Mett endi bos. Bob Arým birneshe apta buryn maǵan habarlasyp ekinshi orta salmaqtaǵy WBO chempıony Jılberto Ramıreske qarsy jekpe-jek ótkizý týraly usynys bildirdi. Mett birden kelisimin berdi. Alaıda uzaq ýaqyt ótpesten Top Rank Ramıres Korobovpen judyryqtasqysy kelmeıtinin aıtty. Top Rank - jaqsy promoýterlik kompanııa. Alaıda olar bizge tek Ramırıske qarsy jekpe-jekten basqa eshteńe usyna almady. Kelisimshartty buzý barysynda Bob Arým ózin mádenıetti ári naǵyz erkektershe ustady", - deıdi Maık Borao.
34 jastaǵy Korobovtyń áýesqoı bokstaǵy nátıjesi tańǵalarlyqtaı. 300 jekpe-jektiń tek 12-sinde jeńilis tapqan. Kásipqoı boksta tek bir márte qarsylasyna ese jiberdi. Qalǵan 27 kezdesýinde jeńiske jetken.
Reseılik boksshy jaqyn ýaqytta Bıllı Djo Sonders, kishi Krıs ıÝbenk jáne Djermall Charlonyń birimen jekpe-jek ótkizýi múmkin. Biraq qazirgi tańdaǵy eń jaqsy nusqa - Gennadıı Golovkınge qarsy jekpe-jek.
«Menińshe, qos boksshynyń rıngte kezdesýi ábden múmkin. Óıtkeni, Gennadıı Golovkınge qarsy eshkimniń jekpe-jek ótkizgisi kelmeıdi. GGG - naǵyz qubyjyqtyń ózi, sol sebepti olardy kinálaýdan aýlaqpyn. Matveı kimmen judyryqtaspasa da, onyń jeńiske jetýi ábden yqtımal", - deıdi Korobovtyń menedjeri.
Eske salaıyq, Golovkın - Djeıkobs jekpe-jegi 18 naýryzda Nıý-Iorkte ótedi. Qazaqstanda jekpe-jekti "Qazaqstan" jáne KazSport arnalary kórsetedi.
