GGG «Meıvezer-Pakıao» kezdesýiniń jeńimpazymen judyryqtasýy múmkin

ASTANA.QazAqparat - Qazaqstandyq boksshy Gennadıı Golovkınniń (38-1-1, 34 KO) menedjeri Tom Leffer boksshynyń aldaǵy josparlary týraly óz oıyn aıtty, dep habarlaıdy QazAqparat boxingscene-qa silteme jasap.

«12-raýndta Golovkınniń oń qabaǵy jaryldy. Sol sebepti onyń 2018 jylǵy jospary aıaqtaldy, ol demalýy kerek. Biz kelesi jyly kóktemde, bolmasa mamyr aıynda rıngke qaıta oralýdy josparlap otyrmyz», - dedi Leffer.

Sondaı-aq, Tom Leffer qazaqstandyqtyń kelesi jyly kimmen judyryqtasýy mumkin ekenin aıta ketti.

«Floıd Meıvezer rıngke qaıta oralatyn sııaqty. Biz «Meıvezer-Pakıao» kezdesýiniń jeńimpazymen judyryqtasýymyz múmkin», - dedi menedjer.

Eske salaıyq, Golovkın - «Kanelo» rematchy 16 qyrkúıek kúni Amerıka Qurama Shtattarynyń Las Vegas qalasyndaǵy T-Mobile Arena-da ótti. Qortyndysynda, otandasymyz tóreshiler sheshimimen (113-115, 114-114, 113-115) jeńilip, chempıondyq beldikterinen aıyryldy.