GGG kásipqoı bokstan ketpeıtinin málimdedi

ASTANA. QazAqparat – Las-Vegastaǵy T-Mobile Arena stadıonynda ótken jekpe-jekten keıin Gennadıı Golovkın kásipqoı bokstan ketpeıtinin málimdedi, dep habarlaıdy QazAqparat tilshisi.

Meksıkalyq Saýl Alvaresten ekinshi ret jeńilis tapqannan keıin qazaqstandyq boksshy Gennadıı Golovkın kásipqoı bokstan áli ketpeıtinin málimdedi.

«Kásipqoı bokstaǵy mansabyń ári qaraı jalǵasa ma?», - dep surady kesh júrgizýshisi aıqastan keıingi suhbatta.

«Árıne, meniń úlken josparlarym bar. Kózdep júrgen qarsylastarym kóp. «Kanelony» jáne búkil boks jankúıerlerin quttyqtaımyn. Jigitter, esterińde bolsyn, meniń orta salmaqta úsh belbeýim bar. Meni áli oralamyn. Meni áli de bolsa chempıonmyn»,- dedi Golovkın.

Eske salsaq, Golovkın boxingnews24.com saıtyndaǵy suhbatynda jankúıerler qalasa, Saýl Alvarespen tórtinshi jekpe-jekkede shyǵýǵa ázir ekenin málimdegen.

Golovkın-Alvares boks keshinde qazaqstandyq óner kórsetip, 27 jastaǵy Álı Ahmedov amerıkalyq Gabrıel Rosadony (26-15-1, 15KO) jeńdi.

Foto: sports.kz