GGG Kanelomen judyryqtassa qansha syıaqy alýy múmkin?
ASTANA. QazAqparat - Qazaqstannyń kásipqoı boks federatsııasynyń prezıdenti Erlan Bekhojın orta salmaqtaǵy "WBA" (Super), "IBO", "IBF" jáne "WBC" tujyrymdary boıynsha álem chempıony Gennadıı Golovkınniń (37-0, 33 KO) Astanada ótýi múmkin degen jekpe-jegine baılanysty pikir bildirdi, - dep jazady Vesti.kz saıtynyń qazaq bólimi.
«Golovkınniń komandasy Qazaqstanǵa sol kúıi kelmedi. Sondyqtan da Golovkın Astanada jekpe-jek ótkizbeıtin shyǵar dep oılaımyn. Boksshynyń menedjeri Golovkınniń qazir Saýl Alvarespen (Kanelo) jekpe-jek ótkizýge daıyndalyp jatqanyn aıtty. Onyń komandasy Kanelomen kelissóz barysynda jaqsy syıaqyǵa kelisti degen málimetti estedim. Tipti Golovkınniń syıaqysy 100 mıllon dollar bolýy múmkin degen málimet bar. Sondyqtan da olar Sondrespen kezdesýden bas tartyp otyr. Óıtkeni, Sonderspen kezdesetin bolsa, Golovkın jaraqat alyp qalýy yqtımal ǵoı. Eger jaraqat alatyn bolsa, Alvarespen jekpe-jekti keıinge shegerýge týra keledi», - deıdi ol.
"Yahoo! Sports" portalynyń jýrnalısi Krıs Mennıks te óz derekkózine silteme jasap, Golovkın-Sonders jekpe-jegi maýsym aıynda ótpeıtinin aıtqan. Munyń ornyna Golovkın bar nazaryn Kanelomen jekpe-jekke salyp otyr.
Al meksıkalyq boksshynyń promoýterin bul jańalyq qýantty. ESPN sarapshysy Den Rafael de Sonderspen jekpe-jek bolmaıdy dep habarlady. Búkilálemdik boks uıymynyń (WBO) prezıdenti Frantsısko Valkarsel da brıtanııalyq Bıllı Djo Sonders pen qazaqstandyq Gennadıı Golovkın arasyndaǵy jekpe-jek múlde bolmaıtynyn aıtty.
