GGG Djeıkobspen judyryqtasqany úshin qansha syıaqy alatyny belgili boldy
ASTANA. QazAqparat - Qazaqstandyq kásipqoı boksshy Gennadıı Golovkın amerıkalyq Denıel Djeıkobspen judyryqtasqany úshin 2,5 mıllıon dollar alady.
Denıel Djeıkobs ta syıaqydan qur alaqan qalmaıdy. Oǵan 1,75 mıllıon dollar kóleminde syıaqy beriledi. Bul jekpe-jekti HBO telearnasy aqyly túrde (RRV) kórsetetin bolady.
RRV júıesi boıynsha túsetin qarjynyń da bir mólsheri boksshylarǵa tıesili.
Sondaı-aq, keshe boksshylar aıqas aldyndaǵy sońǵy salmaq ólsheý rásiminen ótti. Gennadıı Golovkın qarsylasynan 9 gramm jeńil bolyp shyqty. Otandasymyzdyń salmaǵy 159,6 fýnt (72,39 kg) bolsa, Denıel Djeıkobstyń salmaǵy 159,8 fýnt (72,48 kg) boldy.
Aıta keteıik, Gennadıı Golovkın men Denıel Djeıkobs arasyndaǵy jekpe-jek 19 naýryz kúni tańerteń ótedi. Jekpe-jekti «Qazaqstan» men «KazSport» arnalary tikeleı efırden kórsetetin bolady.
