GGG-diń Rollsty nokaýtqa túsirgen vıdeosy jarııalandy

NUR-SULTAN. QazAqparat -Gennadıı Golovkınniń kanadalyq Stıv Rollsty nokaýtqa túsirgen vıdeosy áleýmettik jelilerde jarııalandy, dep habarlaıdy QazAqparat tilshisi.

Beınejazbada tórtinshi raýndtaǵy nokaýt sáti kórsetilgen. Golovkın djebpen ura júrip, sol qolmen xýk arqyly Rollsty eseńgiretip tastaǵan.

Jarııalanǵan vıdeoda kanadalyq boksshy biraz ýaqyt es jııa almaı, rıng shetine otyryp qaldy.

Aıta keteıik, buǵan deıin jeńilip kórmegen jerlesimiz Álı Ahmedov tájirıbeli amerıkalyq Markýs MakDenıelden basym tústi. Al Golovkın-Rolls aıqasynyń anderkartynda sharshy alańǵa shyqqan taǵy bir otandasymyz Baqtııar Eıýbov amerıkalyq Braıan Sebaloǵa ese jiberdi.