GGG-diń Martırosıandy nokaýtqa túsirgen vıdeosy áleýmettik jelilerde paıda boldy
Vıdeoda aldyńǵy raýnd kesilip alynyp, tek nokaýtqa túsirgen sáti kórsetilgen. Qazaqstandyq «qannyń ıisin» sezip, qarsylasyna shabýyldaıdy. Birneshe ret naqty soqqylar berip, keıin Martırosıan jerge qulaıdy.
Eske salaıyq, búgin GGG ulty armıan amerıkalyq boksshy Vanes Martırosıanmen aıqasyp, 38-shi jeńisine qol jetkizdi. Jekpe-jek tehnıkalyq nokaýtpen ekinshi raýndta aıaqtaldy.
«Vanes - talapty boksshy, sharshy alańda birneshe jaqsy soqqylaryn daryta aldy. Alaıda jekpe-jekti ekinshi raýndta aıaqtaýǵa qaýqarly boldym (...) Men kez kelgen qarsylasqa daıynmyn. Eger de «Kanelo» jekpe-jekke ázir bolsa, men de daıynmyn. Men kóp jyldar boıy chempıondyǵymdy saqtap kelemin. Meniń beldikterimdi alǵylaryń kele me? Onda jekpe-jekke shyǵyp, tyrysyp kórińizder», - dedi Golovkın.
Foto: www.insidehboboxing.com/
