GGG-diń burynǵy qarsylastary - Alvares pen Djeıkobs judyryqtasatyn boldy

ASTANA. QazAqparat - Sońǵy aıqasynda Gennadıı Golovkındi jeńgen meksıkalyq álem chempıony (ortasha salmaqtaǵy WBC/WBA (Super) nusqasy boıynsha) Saýl «Kanelo» Alvares IBF tıtýlynyń ıegeri Denıel Djeıkobspen kezdesý ótkizetini resmı túrde jarııalandy, dep habarlaıdy QazAqparat tilshisi.

«Golden Boy» promoýterlik kompanııasynyń Týıtterdegi paraqshasynda habarlanǵandaı, kezdesý 4 mamyr kúni ótedi.

Ázirge eki boksshynyń qaıda kezdesetini belgisiz. Aıqas Astana ýaqyty boıynsha 5 mamyr kúni tańerteńgi ýaqytqa belgilengen.

Eske sala ketsek, meksıkalyqpen kezdeskeli otyrǵan Denıel Djeıkobs qazaqstandyq kásipqoı boksshy Gennadıı Golovkınmen 2017 jyldyń naýryz aıynda judyryqtasqan bolatyn. 12 raýndqa deıin GGG-diń qarqynyna shydas bergenimen amerıkalyq tóreshilerdiń sheshimi boıynsha jeńilis tapqan edi.

Al ótken jyldyń qyrkúıek aıynda Amerıka Qurama Shtattarynyń Las Vegas qalasyndaǵy T-Mobile Arena-da qazaqstandyq boksshy Gennadıı Golovkın (38-0-1, 34 KO) men meksıkalyq Saýl Alvarestiń (49-1-2, 34 KO) rematchy ótip, GGG ómirinde tuńǵysh ret jeńilistiń aşy dámin tatqan bolatyn.