GFR-de Eýropany ıslamdandyrýǵa qarsy aktsııalar ótip jatyr
ASTANA. QazAqparat - PEGIDA (Eýropalyq-patrıottar Ejelgiń Dúnıeni ıslamdandyrýǵa qarsy) ıslamǵa qarsy qozǵalysynyń sherýi senbi kúni Kelnde 1,3 myń adamdy jınady, sondaı-aq buǵan qarsy «Keln ońshyldarǵa qarsy» aktsııasyna da sonsha adam keldi, dep habarlady RIA Novostı.
Polıtsııa ókiliniń aıtýynsha, aktsııalar ótip jatqan jerdi 1700 polıtseı torýyldaýda, onda jaǵdaı qalypty ótip jatyr. Alaıda Kölner Stadt-Anzeiger gazeti alǵashqy qaqtyǵystar týraly habarlaıdy, atap aıtqanda PEGIDA belsendisi teleoperatorǵa shabýyl jasaǵan.
Qazirgi kezde polıtseıler ártúrli aktsııalarǵa qatysýshylar arasynda qaqtyǵystarǵa jol bermeýge tyrysýda.
1 qańtarǵa qaraǵan túnde Kelnde mıgranttar men bosqyndar qalanyń ortalyǵynda Jańa jyldy merekelep jatqan Germanııa azamattary men azamatshalaryna jappaı shabýyl jasaǵan. Qazirgi kezde polıtsııa zardap shegýshilerden 200-den astam shaǵym qabyldaǵan, urlyq, dene jaraqattaryn salý jáne zorlaý jónindegi baptar boıynsha qylmystyq ister qozǵaldy.
