Geıdar Álıevtiń ómiri týraly trılogııa túsirilip jatyr
ASTANA. 27 shilde. QazAqparat - Ázirbaıjanda respýblıkanyń úshinshi prezıdenti Geıdar Álıev týraly kórkem fılm túsirilýde.
Bul jaıynda «Ázirbaıjan jańalyqtary» agenttigi habarlaıdy.
Jobanyń jumys ataýy - «Eń qarapaıym famılııa». Agenttiktiń naqtylaı túsýinshe, fılm trılogııanyń birinshi bólimi 2013 jyldyń mamyrynda daıyn bolady. Kartınany túsirýdi «Ázirbaıjanfılm» kınostýdııasy osy aıdyń ortasynda bastap ta ketken. Degenmen, fılmniń túsirilip jatqandyǵy endi ǵana belgili bolyp otyr.
SalamNews málimetteri boıynsha, týyndy stsenarııi ázerbaıjan parlamentiniń depýtaty Elmıra Ahýndovanyń «Geıdar Álıev» jáne «Tulǵa jáne dáýir» kitaptary negizinde jazylǵan. Fılm rejısseri - Ramız Fatalıev.
Kórkem týyndyny túsirý jumystaryna Ázirbaıjan, Reseı, Ýkraına jáne Grýzııa kınematografısteri tartylǵan. Túsirý jumystary shamamen jarty jylǵa sozylyp, Nahychevan, Máskeý, Sankt-Peterbor jáne Rıga qalalarynda júrgiziledi.
