Gete-Instıtýty
ALMATY. 28 aqpan. QazAqparat - Almaty Gete-Instıtýty "Mádenıet jáne onyń damýy" Jańa baılanystar, jańa bastamalardyń keleshegi" dep atalatyn jobanyń aıasynda Shyǵys Eýropa jáne Ortalyq Azııa aýmaqtary úshin "Tabıǵat jáne mádenıet" atty ashyq halyqaralyq baıqaýyn jarııalady.
«Baıqaýdyń maqsaty - jas tabıǵat qorǵaýshylaryn qoldaý, olardyń qorshaǵan orta men mádenıettiń ózara árekettestigi salasyndaǵy jańa bastamalaryna dem berý bolyp tabylady»,- deıdi baıqaýdyń uıymdastyrýshysy Gúlmıra Jandybaeva.
Baıqaý sharty boıynsha qatysýshylar «Tabıǵat jáne mádenıet» taqyrybynda adamnyń oıyn qalyptastyratyn, kórkemdik komponentteri bar ekologııalyq jobalardy oılap taýyp, daıyndaýy qajet. Baıqaýǵa qyzyǵýshylyq tanytqan 35 jasqa deıingi barlyq nıet bildirýshiler qatysa alady. Baıqaýǵa tek bir joba ǵana qabyldanady. Onyń mazmuny men kórkemdik oıy jáne tehnıkalyq oryndalýyn avtorlar jazbasha túrde jobaǵa anyqtap jazýy tıis.
Jumystar poshta arqyly nemese Gete-Instıtýtynyń kýreri arqyly bıylǵy jyldyń 1 qyrkúıegine deıin qabyldanady. Baıqaý qorytyndysy 30 qyrkúıek kúni jarııalanady. Jobalarǵa Germanııanyń jáne Qazaqstannyń sarapshylary qazylyq jasaıdy. Birinshi orynǵa - Germanııaǵa jeti kúndik saıahat, ekinshi jáne úshinshi oryndarǵa - baǵaly syılyqtar taǵaıyndalǵan. Baıqaý sońynda uıymdastyrýshylar úzdik jumystardyń tanystyrylymyn ótkizýdi kózdep otyr.
Tolyq aqparatty Almaty Gete-Instıtýtynan alýǵa bolady.
