GES-ke bomba qoıylǵany týraly jalǵan aqparat taratqan ShQO turǵyny sottaldy
ÓSKEMEN. QazAqparat – Shyǵys Qazaqstan oblysynyń turǵyny GES-ke qoıylǵan jarylǵysh zat týraly ázildegeni úshin sottaldy boldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Rojdestvo merekesi qarsańynda 56 jastaǵy er adam Glýbokoe aýdandyq polıtsııa bóliminiń «102» jedel arnasyna habarlasyp, tanysynyń Óskemendegi GES-ke jarylǵash zat ornatqanyn aıtqan bolatyn.
Dereý polıtsııa qyzmetkerleri men tıisti organdar atalǵan obektige jetip, aýmaqty túgel tekserdi. Alaıda habarlama jalǵan bolyp shyqqan. Mamandar GES-ten eshqandaı jarylǵysh zatty tappady.
«Sotqa deıingi tergeý barysynda anyqtalǵandaı, ishimdik iship alǵan eki er adam arasynda janjal týyndaǵan. Sol kezde olardyń birinde qylmystyq nıet paıda bolǵan. Mas azamat óz áreketiniń jaýapkershiligin túsinbeı, quqyq qorǵaý organdaryna jalǵan aqparat jetkizgen», - dedi ShQO PD bastyǵy Saǵat Mádıev.
Glýbokoe aýdandyq sotynyń sheshimimen 55 jastaǵy er adam QR QK-niń 273-baby boıynsha kináli dep tanylyp, 2 jyl 6 aı merzimge bas bostandyǵynan shekteldi. Úkim tolyqtaı zańdy kúshine engen.
