Geroındy asqazanynda jasyryn alyp ótpek bolǵan ıtalıandyq ustaldy
ASTANA. QazAqparat - Qaraǵandyda «Bishkek-Sverdlov» baǵytyndaǵy poıyzda asqazanyna geroın jasyrǵan ıtalıandyq azamat ustaldy, dep habarlaıdy QR Іshki ister mınıstrliginiń Esirtki bıznesine qarsy kúres komıtetiniń baspasóz qyzmeti.
«2 sáýir kúni «Bishkek-Sverdlov» baǵytyndaǵy poıyzda medıtsınalyq tekserý barysynda asqazanynan 165 gramnan astam geroın tabylǵan tegi ıtalıandyq Qyrǵyz Respýblıkasynyń azamaty quryqtaldy», - delingen habarlamada.
Poıyzda er kisiniń densaýlyǵy nasharlap ketken. Quqyq qorǵaýshylar ony dereý aýrýhanaǵa jetkizgen. Ol jerde onyń keýdesin rentgenge túsirý kezinde asqazanynda bir zat bary anyqtalǵan. Er kisi birazdan soń ol esirtki ekenin moıyndaýdan basqa shara qalǵan joq. Birer saǵattardan keıin ol esirtkini tik ishekke jasyrǵanyn da moıyndady.
Zertteý barysynda onyń asqazanyndaǵy esirtki zaty 165,39 gramm geroın ekeni anyqtaldy. Al tik ishekten alynǵan geroın 9,50 gramdy qurady.
Qazaqstan zańnamasy boıynsha ıtalıandyqty 20 jylǵa bas bostandyǵynan aıyrýy múmkin.
