Geroın satqany úshin ustalǵan polıtseıdiń bastyǵy otstavkaǵa ketti - Qaraǵandy oblysy
QARAǴANDY. QazAqparat - Qaraǵandy oblysynda Abaı aýdany ІІB esirtki bıznesimen kúres bóliminiń bastyǵy otstavkaǵa ketti. Birqatar polıtseıler tártiptik jazaǵa tartyldy. Bul týraly óńirdiń ІІD baspasóz qyzmetinen habarlady.
«Qoǵamdy dúrliktirgen Abaı aýdany ІІB qyzmetkerin esirtki zatyn zańsyz satqany úshin jazaǵa tartý faktisi boıynsha Qaraǵandy oblysy ІІD bastyǵynyń buıryǵymen ol ishki ister organynan bosatyldy. Onyń tikeleı basshysy laýazymynan bosatý týraly raport berdi. Aýmaqtyq bólimsheniń birqatar basshylary tártiptik jaýapkershilikke tartyldy», - delingen habarlamada.
Budan buryn habarlanǵandaı, Abaı aýdany ІІB esirtki bıznesimen kúres bóliminiń jedel ýákilin geroın ótkizgeni úshin Qaraǵandy oblysy ІІD jeke qaýipsizdik qyzmetkerleri ustaǵan. Oǵan qatysty qylmystyq is qozǵaldy. Atalǵan fakti boıynsha qyzmettik tergeý júrgizilýde. Qazirgi ýaqytta sot sanktsııasymen kúdikti eki aı merzimge tutqyndaldy.
