Germanwings ushaǵy tótenshe habarlama saldarynan Mılanǵa ushpaı qaldy
ASTANA. QazAqparat - Jeksenbi kúni Germanwings áýe kompanııasynyń ushaǵy Keln/Bonn áýejaıynan ushpaı qaldy. Onyń sebebi - ushaq bortyna bomba qoıylǵany týraly habardyń kelip túsýi, dep jazady TASS.
Kölner Express gazetiniń habarlaýynsha, 4U826 reısi Mılanǵa ushyp ketýi tıis bolatyn. Bomba týraly habarlama federaldyq polıtsııaǵa kelip túsken. Áýe dıspetcherleri dereý ushqyshtarymen habarlasyp, jolaýshylar men ekıpaj músheleri ushaqtan shyǵaryldy. Qazirgi kezde quzyrly qyzmetter ushaqty tekserýde.
Esterińizge sala keteıik, Frantsııanyń ońtústik-shyǵysynda 24 naýryz kúni apatqa ushyraǵan Barselonadan Dıýsseldorfqa baǵyt alǵan Germanwings áýe kompanııasynyń Airbus A320 jolaýshylar ushaǵynda 150 adam bolǵan.
