Germanwings apaty: qaza tapqan 78 adamnyń múrdesi tanyldy
ASTANA. QazAqparat - Nemistiń Germanwings áýe kompanııasynyń apatqa ushyraǵan ushaǵy qulaǵan jerde jumys istep júrgen tergeýshiler onda bolǵan 150 adamnyń 78-iniń múrdesin DNK arqyly tanı alǵanyn habarlady.
Sonymen birge, olar Germanııanyń baspasózinde qaza tapqandardyń múrdeleriniń arasynda ushqysh Andreas Lıýbıtstiń denesi de bolǵany týraly málimetterdi joqqa shyǵardy. Aıta keteıik, birqatar BAQ, onyń ishinde reseılik RIA NOVOSTI agenttigi Andreas Lýbıttstiń múrdesi de tanylǵandyǵy týraly habar taratqan bolatyn.
Nemis áýe jelileri qaýymdastyǵynyń atap ótýinshe, bort apparatyndaǵy jazatyn qural áli de tabylmaǵan, al apatqa ákelip soqtyrǵan sebepter barlyq málimetter alynǵan soń belgili bolady, dep jazady Bı-Bı-Sı.
Aıta keteıik, seısenbi kúni Frantsııanyń ońtústik-shyǵysynda Germanııanyń «Germanwings» áýekompanııasyna tıesili ushaq apatqa ushyrady. Apat saldarynan 150 adam, onyń ishinde 3 qazaqstandyq mert boldy.
