Germann: Kottonyń bizdiń Golovkınmen jekpe-jekke shyǵa qoıýy ekitalaı
ASTANA.QazAqparat - WBA Super, WBC Interim jáne IBO chempıony Gennadıı Golovkınniń (31-0, 28 KO) menedjeri Oleg Germann WBC chempıony, pýertorıkolyq boksshy Mıgel Kotto (39-4, 32 KO) bir kúni Gennadııǵa qarsy shyǵýǵa sheshim shyǵarady dep oılamaıdy.
«Kottomen jekpe-jek oryn alady dep oılamaımyn, sebebi onyń josparlarynda Golovkınge oryn joq sekildi. Onyń sońǵy kezdesýi byltyr maýsymda boldy. Ol endi qashan rıngke oralatynyn bilmeımiz. Ózge stsenarııdi kútý de óte qıyn, sebebi ol orta salmaqta sonshalyqty iri boksshy emes. Saýl Alvarespen jekpe-jek uıymdastyrýǵa kelsek, bul - basqa másele. Bul boksshymen kezdesý jasaý Kottoǵa qaraǵanda, qoldan keletin sııaqty, onyń ústine meksıkandyqtar Golovkındi jaqsy kóredi», - deıdi ol Boxingscene saıtyna bergen jaýabynda.
