Germanııanyń Júrek ortalyǵynan kelgen kardıolog-dárigerler qazaqstandyq áriptesteri úshin sheberlik synyptaryn ótkizedi
ASTANA. 5 jeltoqsan. QazAqparat - Astanaǵa «Ótkir kúre tamyr sındromy. Shuǵyl qalalyq statsıonar jaǵdaıynda dıagnostıka jasaý jáne emdeý» taqyrybynda sheberlik synyptaryn ótkizý úshin Germanııadan jetekshi kardıologtar keldi,
dep habarlaıdy Astana qalasynyń Densaýlyq saqtaý basqarmasynyń baspasóz qyzmeti.
Atap aıtqanda, Drezden qalasynyń Kardıohırýrgııalyq klınıkasy Júrek ortalyǵynyń bas kardıology, professor Stefen Shen jáne professor Klaýs Matchk onlaın rejıminde ota jasap, qazaqstandyq áriptesteri úshin óz tájirıbelerimen bólisedi. Sonymen qatar nemis professorlary kúretamyrdyń ótkir sındromyn anyqtaý jáne emdeýdiń zamanaýı sheshimderi taqyrybynda dáris oqıdy dep josparlanǵan.
«Kúretamyrdyń ótkir sındromyna shaldyqqandarǵa shuǵyl kardıologııa, kardıohırýrgııalyq dárigerlik járdem kórsetý sapasyn jaqsartý úshin Astanadaǵy kardıologııa jáne kardıohırýrgııalyq qyzmetterdiń 60-qa tarta dárigerin halyqaralyq standarttarǵa sáıkes oqytý josparlanýda», - delingen habarlamada.
