Germanııanyń jańa saılanǵan prezıdentin ulyqtaý rásimi 19 naýryzda ótedi
ASTANA. QazAqparat - Germanııanyń jańa saılanǵan prezıdenti Frank-Valter Shtaınmaıerdiń ınaýgýratsııasy 19 naýryzǵa josparlanyp otyr. Aıta keteıik, keshe federaldy jıyn músheleriniń basym bóligi oǵan daýys berdi. Frank-Valter Shtaınmaıer Germanııanyń 12-prezıdenti atandy. Aldaǵy 5 jylda onyń jumys orny Belvıý saraıynda ótedi. Biraq resmı túrde qyzmetine 19 naýryzda ótetin ulyqtaý rásiminen soń kirisedi, dep habarlaıdy 24.kz.
Jańa saılanǵan basshy kesheden beri úkimet pen memleket basshylarynan quttyqtaý alyp jatyr. Jalpy, saıası dodada bes úmitker synǵa túsken bolatyn. Shtaınmaıer 931 daýys jınap, birinshi kezeńde-aq óz qarsylastarynan oq boıy ozyp ketti.
«Maǵan senim artyp, daýys bergen halyqqa alǵysymdy bildiremin. Al ózge kandıdatty tańdaǵan azamattarǵa beretin bólek ýádem bar. Men aldaǵy ýaqytta barlyq demokratııalyq partııamen, koalıtsııa jáne opozıtsııa ókilderimen jumys istep, senimderin aqtaýǵa bar kúshimdi salamyn. Hanymdar men myrzalar, biz aýmaly-tókpeli zamanda ómir súrip jatyrmyz. Biz bárimizdi biriktiretin dúnıe tabýymyz kerek»,-dedi Germanııa Prezıdenti Frank-Valter Shtaınmaıer.
Qorytyndy shyqpaı turyp kóptegen sarapshy Shtaınmaıerdiń jeńisin boljady. Sondyqtan saılaý kezinde úlken shý bolǵan joq. «Bıld» basylymy halyq arasynda saýalnama da júrgizip kórdi. Nemis halqynyń 59%-y Frank-Valter Shtaınmaıer jaqsy prezıdent bolady dep senedi. Buǵan tipti Germanııanyń Kantsleri Angela Merkel de senimdi.
«Shtaınmaıer Germanııany qıyn kezeńde basqarady. Men oǵan senemin. Men ony kópten beri bilemin jəne biz birge kóp jyl jumys istedik. Ol qıyn jaǵdaılarda ərdaıym durys sheshim qabyldady. Onyń jaqsy prezıdent bolatynyna kúmánim joq. Kópshilik qaýym jəne kóptegen el azamaty ony prezıdent retinde qabyldaıtynyn men jaqsy bilem. 61 jastaǵy Frank-Valter Shtaınmaıer - Germanııanyń eń ataqty saıasatkerleriniń biri. Ər jyldary vıtse-kantslerdiń laýazymyn atqaryp, federaldyq kantsler uıymyn basqardy. 2013 jyldan bastap Germanııanyń syrtqy ister mınıstri boldy. Sarapshylardyń aıtýynsha, Shtaınmaıerdiń saıasatta da, dıplomatııada da təjirıbesi mol. Sondyqtan ol ózgerister men qaýip-qaterler kezeńinde Germanııa úshin tepe-teńdik pen turaqtylyqty saqtaı alady»,-dedi Germanııa Kantsleri Angela Merkel.
