Germanııanyń jańa Prezıdenti Ioahım Gaýk boldy
ASTANA. 19 naýryz. QazAqparat - Burynǵy lıýterandyq dinı qyzmetker jáne quqyqqorǵaýshy Ioahım Gaýk GFR-nyń prezıdenti qyzmetine saılandy.
Bul týraly Reuters-ke silteme jasaǵan RosBıznesKonsaltıng habarlady.
Daýys berý qarsańynda I.Gaýkta Germanııanyń prezıdenti bolýyna barlyq múmkindikteri barlyǵy týraly boljamdar aıtyldy.
Bı-Bı-Sıdiń habarlaǵandaı, Federaldyq jıynnyń daýys berýi tek formaldy bolýy múmkin, sebebi, pastor I.Gaýkty prezıdentke kandıdat retinde eldiń negizgi saıası partııalary usyndy. Onyń jalǵyz qarsylasy óz elinde ultshyl qylmyskerlerdi izdeý jumysymen tanymal Beate Klarsfeld bolǵan.
Atap óteıik, eki jyl buryn ótken prezıdenttik saılaýda kantsler Angela Merkel I.Gaýkty qoldaǵan joq. Sol kezde onyń partııasynan kandıdat - Krıstıan Výlf saılanǵan bolatyn.
Alaıda, qyzmet babyn teris paıdalaný jáne qarjylyq paıda tabý aıyptaýlaryna baılanysty bolǵan daýlardan keıin, K.Výlf otstavkaǵa ketip, prezıdenttik oryn bos qalǵan bolatyn.
