Germanııanyń vıtse-kantsleri Brexit saldarynan Pýtınmen kezdesýdi keıinge qaldyrdy
ASTANA. QazAqparat - Reseı prezıdenti Vladımır Pýtın men Germanııanyń vıtse-kantsleri Zıgmar Gabrıeldiń kelesi aptadaǵy kezdesýi ótpeıtin boldy, dep habarlady Kremlde. Gabrıel Brexit saldarynan Máskeýge saparlaýdan bas tartty, dep habarlady RBK.
Kremlde Reseı prezıdenti Vladımır Pýtınniń Germanııanyń vıtse-kantsleri, ekonomıka mınıstrliginiń basshysy Zıgmar Gabrıeldiń kezdesýi vıtse-kantslerdiń Brexit saldarynan Máskeýge barýdan bas tartýy saldarynan ótpeıtinin rastady. «Bul ras», - dedi «RIA Novostı» agenttigine Reseı prezıdentiniń baspasóz hatshysy Dmıtrıı Peskov tıisti suraqqa jaýap bere otyryp.
Osyǵan deıin Germanııanyń ekonomıka mınıstrliginiń ókili «Ulybrıtanııadaǵy sońǵy oqıǵalar men sharalarǵa baılanysty ol (Gabrıel) aldaǵy aptanyń basynda Reseıge barmaıtynyn» habarlaǵan.
Vıtse-kantsler Reseı prezıdentimen kezdesý úshin Máskeýge baratyny jaıly 21 maýsymda Rheinische Post nemis gazeti GFR úkimetindegi aqparat kózine silteme jasap habarlaǵan bolatyn. Bul aǵymdaǵy jylǵy ekinshi kezdesý bolýy tıis edi. Osyǵan deıin Pýtın men Gabrıel 2015 jyldyń qazanynda Novo-Ogarevoda kezdesti.
«Kommersant» jazǵandaı, Gabrıel Nord Stream-2 gaz qubyrynyń qurylysyna baqylaý jasaıdy. Gazeta sońǵy kezderi Germanııa Nord gaz qubyry jobasy júzege asýy úshin Eýroodaqtaǵy saıası jaǵdaılardy jasaý boıynsha belsendi bola túskenin eske saldy.
23 maýsymda Ulybrıtanııada referendým ótti. Onyń qorytyndysy boıynsha daýys berýshilerdiń 51,9% koroldiktiń Eýroodaqtan shyǵýyna daýys berdi.
Germanııa kantsleri Angela Merkel dúısenbi kúni 27 maýsymda Berlınge Eýropalyq keńes prezıdenti Donald Týsk, Frantsııa prezıdenti Fransýa Olland pen Italııa premer-mınıstri Matteo Rentsı jaǵdaıdy talqylaý úshin baratynyn málimdedi.
