Germanııanyń túrme qyzmeti túzeý mekemelerinde adam quqyqtarynyń saqtalý máselesi boıynsha tájirıbe bólisýde
ASTANA. Naýryzdyń 26-sy. QazAqparat /Ǵalymjan Hasenov/ - Búgin Ádilet mınıstrliginde túzeý jáne qylmystyq jazany oryndaý mekemelerinde adam quqyqtarynyń saqtalýy salasyndaǵy halyqaralyq tájirıbelerdi zertteýge arnalǵan ekikúndik semınar bastaldy,
dep habarlady Qylmystyq-atqarý júıesi komıtetiniń baspasóz qyzmetinen.
Semınar baǵdarlamasy boıynsha Germanııanyń túrme qyzmetiniń ǵylymı zertteýler jáne eýropalyq jobalar jónindegi departamentiniń dırektory doktor Frank-Ýlrıh Aıhorn Germanııadaǵy túrmede otyrǵan azamattardyń quqyqtarynyń saqtalýy jáne osy saladaǵy memlekettik jáne qoǵamdyq ınstıtýttardyń jumys tetikteri týraly áńgimelep beredi.
Al Germanııanyń túrme qyzmeti departamentiniń dırektory doktor Sıýzanna Gerlah, Germanııanyń qylmystyq-atqarý qyzmetiniń qazirgi zamanǵy júıesi týraly taqyrypty ashyp, semınarǵa qatysýshylardy zańnamalyq bazalarmen jáne kámeletke tolmaǵandar men áıelderge qatysty zańnamalyq bazalardyń oryndalý ereksheligimen tanystyrady.
