Germanııanyń túngi klýbynda atys boldy
ASTANA. QazAqparat - Germanııanyń Konstants qalasyndaǵy túngi klýbtardyń birinde atys boldy. Oqys oqıǵadan bir adam qaza taýyp, úsh adam jaraqattandy, dep habarlaıdy Rıa Novostı.
Jeksenbi kúni 34 jastaǵy er adam Maks-Shtromaıer-Shtrasse túngi klýbyna kelýshilerge oq jaýdyrǵan.
«Oq atqan er adam polıtsııamen bolǵan atysta jaraqat alyp, aýrýhanada kóz jumdy», - dep málim etti quqyq qorǵaýshylar.
Atys sebepteri ázirge beımálim. Tekserý jumystary júrgizilip jatyr.
