Germanııanyń taǵy bir aımaǵy ıslam dinine resmı mártebe berdi
ASTANA. 7 qazan. QazAqparat - Bremen jáne Gambýrg qalalarynan sońyn ala Tómengi Saksonııa jeri de ıslam dinin resmı din dep jarııalady. Bul týraly www.muslim.kz saıty habarlady.
Jergilikti bılik ókilderi túrik-musylman odaǵynyń bólimshe bastyǵy Iylmyz Qylyshpen jáne Germanııanyń alevıttik federatsııasynyń múshesi Huseın Matpen kezdeskennen keıin kelisimsharttyń ózinshe bir túri bolyp tabylatyn «konkordatqa» qoldaryn qoıdy.
Musylman uıymynyń ókilderiniń sózine qaraǵanda, bul «konkordat» bılik ornynyń musylmandarmen qarym-qatynasyna baılanysty máselelerdi talqylaýǵa múmkindik beredi.
Islam dininiń resmı moıyndalýy ımamdarǵa túrme, aýrýhana, mektep sekildi mekemelerde dinı qyzmetin júrgizýge, sondaı-aq, qalada musylmandardyń óz aldyna bólek beıitin ashýǵa múmkindik beredi. Sondaı-aq, meshit turǵyzýda jeńildik qarastyrylady.
Buǵan qosa, musylmandardyń aıtýly Oraza aıt pen Qurban aıt merekelerinde musylmandar tynyǵatyn bolady.
