Germanııanyń SІM basshysy ekinshi márte karantınge oqshaýlandy

BERLIN. QazAqparat – Vırýs juqtyrǵan sheteldik delegatsııa múshelerimen bolǵan kezdesýden keıin Haıko Mas oqshaýlandy. Birinshi tes teris nátıje kórsetti, dep habarlaıdy QazAqparat dw.com-ge silteme jasap.

GFR syrtqy ister mınıstri Haıko Mas koronaırýs juqtyrǵandarmen baılanysta bolǵannan keıin sońǵy birneshe apta ishinde ekinshi márte karantınge oqshaýlandy. Germanııa SІM habarlaýynsha, SARS-CoV-2 birinshi testi teris nátıje kórsetti.

Mınıstrge vırýs juqtyrǵan adammen baılanysqany týraly sol kúni erterek habarlanǵan, al tańerteń ol úkimet otyrysyna qatysqan. Tústen keıin Grekııa syrtqy ister mınıstri Nıkos Dendıaspen josparlanǵan birlesken baspasóz máslıhaty toqtatyldy.

Haıko Mastan basqa 2 qarashada Berlındegi sheteldik delegatsııamen kezdesýge qatysqan Germanııanyń Syrtqy ister mınıstrligindegi Eýropa isteri jónindegi memlekettik mınıstr Mıhael Rot(Michael Roth) jáne vedomstvonyń birneshe qyzmetkeri karantınge jiberildi, olardyń bireýinen SARS-CoV-2 anyqtaldy.

Mas qyrkúıek aıynyń sońynda kúzetshileriniń biri koronavırýsyn juqtyrǵannan keıin ózin-ózi oqshaýlaýǵa ketken bolatyn. Qazan aıynda Germanııanyń Densaýlyq saqtaý mınıstri Iens Spannan (Jens Spahn) koronavırýs ınfektsııasy anyqtaldy.