Germanııanyń segiz áýejaıynda ereýil bolady
BRıÝSSELЬ. QazAqparat - Germanııanyń Ver.di kásipodaǵy eldegi segiz áýejaıdyń qaýipsizdik qyzmetteri ókilderin ereýilge shaqyrdy. Bul týraly kásipodaq uıymynyń dúısenbidegi málimdemesinde habarlandy, dep habarlaıdy «QazAqparat» HAA-nyń menshikti tilshisi.
Maındaǵy Frankfýrt, Gannover, Bremen, Gambýrg, Mıýnhen, Leıptsıg, Drezden jáne Erfýrt qalalary áýejaılarynyń qaýipsizdik qyzmetkerleri 15 qańtar, seısenbi kúni ereýilge shyqpaq. Soǵan baılanysty, atalǵan áýejaılar jumysynda aıtarlyqtaı úzilister bolýy múmkin.
Ver.di kásiptik odaǵy áýejaılardyń qaýipsizdik qyzmetteri jumysshylarynyń jalaqysyn kóterýdi talap etip otyr. Uıym ókilderiniń pikirinshe, kelissózder tórt raýndqa sozylsa da, jumys berýshiler kóńil kónshiterlikteı usynystar jasamaǵan.
Tımýr Dúısekeev
