Germanııanyń Gaýmbýrg qalasynda atys bolyp, keminde 6 adam qaza tapty
ASTANA. QazAqparat – Germanııanyń Gambýrg qalasynda atys bolyp, keminde 6 adam qaza tapqan, dep habarlaıdy QazAqparat BBC agenttigine silteme jasap.
Polıtsııanyń habarlaýynsha, Alsterdorf aýdanynda keń aýqymdy operatsııa júrdi.
Oqıǵa ornyna jedel járdem kóligi jetti.
Keıbir málimetter boıynsha, atys Iegova Kýágerleri ortalyǵynda bolǵan.
Gambýrg polıtsııasy óziniń twitter-degi paraqshasynda qylmystyń jasalýyna ne sebep bolǵany belgisiz ekeni aıtylǵan. Osyǵan baılanysty polıtsııa ókilderi bolǵan oqıǵaǵa qatysty áleýmettik jelilerde jalǵan aqparat taratpaýǵa shaqyrdy.
Sondaı-aq polıtsııa shabýylǵa kúdiktiniń óli kúıinde tabylǵanyn habarlady.
Jergilikti ýaqyt boıynsha, túngi saǵat 21:00-ler kezinde NINAwarn federaldyq qosymshasy arqyly jergilikti turǵyndarǵa eskertý jasalǵan. Onda bir nemese birneshe adamnyń shirkeýde adamdarǵa oq atqany aıtylǵan. Turǵyndarǵa úıden shyqpaý týraly keńes berildi.
