Germanııanyń Frankfýrt qalasyndaǵy áýejaıda eki ushaq soqtyǵysty
BERLIN-TASS-QazAqparat – Senbi kúni keshkisin Germanııanyń Frankfýrt-na-Maıne qalasynyń áýejaıynda eki ushaq soqtyǵysyp qaldy, dep habarlaıdy reseılik TASS agenttigi.
Jeksenbi kúni DPA agenttigi atalmysh áýejaıdyń operatoryna silteme jasaı otyryp, oqıǵa saldarynan eshkim zardap shekpegenin habarlady. Sebebi eki ushaq ta óte tómen jyldamdyqpen kele jatqan.
Soqtyǵysqan Korean Air jáne Air Namibia kompanııalarynyń ushaqtary. Kólikterdiń biriniń róline, ekinshisiniń bir qanatyna zaqym kelgen. Koreıalyq kompanııanyń ushaǵy jeksenbi kúni ǵana Seýlge ushty. Jolaýshylarǵa qonaq úılerdiń birinen oryn berildi.
Fraport áýejaıynyń operator-kompanııasy mamandardyń osy oqıǵamen baılanysty barlyq málimetterdi jınap jatqanyn habarlaǵan. Sarapshylar «qara jashiktiń» aqparattaryn zerdeleýde.
