Germanııanyń federaldyq jerleri bosqyndar úshin 17 mlrd eýro shyǵyndamaq
ASTANA. QazAqparat - Germanııanyń federaldyq jerleri aldaǵy jyly bosqyndardy qoldaý maqsatynda 17 mlrd eýro jumsaýǵa yqylas tanytyp otyr.
Bul týraly «Die Welt» gazeti 29 jeltoqsan kúngi sanynda jazady.
Gazet júrgizgen saýalnamaǵa 16 jerdiń qarjy mınıstrlikteri qatysqan.
Basylym jumsalar qarjynyń budan da kóp bolýy múmkin ekenin alǵa tartady. Sebebi jergilikti jerler óz bıýdjetin federaldyq úkimettiń sońǵy boljamyna súıenip jasady, onda 2015 jyly elge 800 myń bosqyn keledi delingen, alaıda jyl aıaǵyna deıin bul kórsetkish artýy yqtımal.
Germanııanyń halyq kóp shoǵyrlanǵan jerleri - Soltústik Reın - Vestfalııada bul maqsatqa 4 mıllıard eýro bólingen. Al, Bavarııa 3,31 mıllıard, Baden-Vıýrttemberg 2, 25 mıllıard eýro bólýdi josparlap ta qoıǵan.
