Germanııanyń Ekonomıka mınıstri eldegi janarmaı tapshylyǵyn rastady

NUR-SULTAN. QazAqparat – Germanııanyń shyǵysynda Reseıden keletin munaıǵa salynǵan embargo janarmaı tapshylyǵyna ákelýi múmkin, biraq úkimet bul jaǵdaıdy boldyrmaý úshin jumys istep jatyr. Bul týraly sársenbi kúni RTL telearnasynyń efırinde Germanııanyń ekonomıka mınıstri Robert Habek málimdedi, dep habarlaıdy QazAqparat TASS aqparat agenttigine silteme jasap.

«Ókinishke oraı, muny joqqa shyǵarýǵa bolmaıtynyn aıtý kerek. Shekteýli kezeńde munaı, odan benzın tym az bolýy múmkin. Bul jaǵdaıdy joqqa shyǵarmaımyn, biraq biz ony boldyrmaý úshin jumys istep jatyrmyz», - dedi ol..