Germanııanyń Drezden qalasyndaǵy mýzeıden 113 mln eýronyń múlki urlandy
Ol kezde tonaýshylar toby Drezdendegi qalalyq mýzeıge kirip, ol jerde saqtaýly turǵan 113 mln eýronyń sırek kezdesetin baǵaly zattaryn alyp ketken.
Polıtsııa urlanǵan zattardyń basym bóligin, sonyń ishinde gaýharmen kómkerilgen semserdi tapqan. Biraq, qalǵan zattar tabylmaıdy degen qaýip bar.
Tonaýshylarǵa tórt jyldan alty jylǵa deıin sottalýy múmkin.
Bir jylǵa sozylǵan tergeýden keıin polıtsııa alǵashqy urylardy tutqynǵa aldy. Sottalýshylardyń barlyǵy – «Remmo qaýymynyń» múshesi. Germanııada birneshe «qaýym» – shyqqan tegi arab otbasy jelileri bar. Olar asa iri uıymdasqan qylmystarǵa, sonyń ishinde ýnıvermagqa shabýylǵa jáne bank tonaýǵa jaýapty bolǵan.
Drezden qaraqshylarynyń biri buǵan deıin 2017 jyly Berlındegi Bode murajaıynan 100 keli alyp altyn monetany urlaǵany úshin sottalǵan bolatyn. Moneta tabylǵan joq jáne ony metalǵa balqytyp jibergen dep boljandy.
«Ónerge degen qushtarlyqtan qundy zattardy urlaıtyn adamdar bar, biraq bul jaǵdaıda bári kerisinshe boldy, - dedi Drezden Memlekettik óner kollektsııalarynyń bas dırektory Marıon Akermann. Olar neni urlap ketkenderin de túsinbegen».
Eýropadaǵy zergerlik buıymdar men baǵaly zattardyń eń úlken kollektsııasy qoıylǵan Grünes Gewölbe («Jasyl jınaq») Drezden qazynasy 2019 jyly tonaldy. Bul qazirgi tarıhtaǵy zergerlik buıymdardyń eń iri tonalý isi boldy.
Alaıda tutqyndalǵan úsh adam tonaǵanyn moıyndady jáne prokýrorlarmen jasalǵan mámile aıasynda jeńil jaza úshin urlanǵan zattardyń ornalasqan jerin aıtýǵa kelisti.
Jalpy alǵanda, murajaıǵa 31 zat qaıtaryldy, biraq keıbir qundylyqtar áli de tabylmady, sonyń ishinde «Saksonııanyń aq tasy» dep atalatyn óte sırek kezdesetin gaýhar da tabylǵan joq.