Germanııanyń bosqyndar ortalyǵynda bolǵan órtten 30-ǵa jýyq adam zardap shekti
BERLIN. QazAqparat - Germanııadaǵy bosqyndar ortalyǵynda bolǵan órt kezinde 30-ǵa jýyq adam zardap shekti, dep habarlaıdy «QazAqparat» HAA-niń menshikti tilshisi Germanııanyń DPA agenttigine silteme jasap.
Oqıǵa Hefelhof qalasynda (Soltústik Reın-Vestfalııa jeri) baspana taba almaı, bosyp júrgen 500 adam turyp jatqan burynǵy áskerı kazarmada boldy.
Polıtsııanyń málimetteri boıynsha, órtten aýyr jaraqat alǵan birneshe adam jergilikti aýrýhanaǵa jetkizilgen. Qalǵan 20 bosqyn men eki órt sóndirýshi oqıǵa ornynda medıtsınalyq kómek aldy.
Órttiń shyǵý sebebi anyqtalý ústinde. Sot-medıtsına sarapshylary órt bolǵan oryndy juma kúni qarap kóredi.
