Germanııanyń birinshi raketkasy Qazaqstanmen matchtyń qıynǵa túsetinin aıtty
NUR-SULTAN. QazAqparat – Germanııanyń birinshi raketkasy, «Úlken dýlyǵa» týrnıriniń úsh dúrkin jeńimpazy Anjelıka Kerber Bıllı Djın Kıng kýbogy irikteý kezeńinde 15-16 sáýirde ótetin Qazaqstanmen matchqa qatysty óz pikirin bildirdi, dep habarlaıdy QazAqparat tilshisi.
Onyń aıtýynsha, Qazaqstan quramasy – kúshti ári qolaısyz qarsylas, oǵan qosa báseke elordada ótedi.
«Elena Rybakına – Qazaqstan ǵana emes, álemdegi myqty tennısshilerdiń qatarynda, ol kópten beri joǵary deńgeıde óner kórsetip keledi. Men úshin el namysyn qorǵaý – úlken qurmet. Bul rette eshteńe ózgergen joq. Tipti Qazaqstan sııaqty alystaǵy elge barýǵa týra kelip, ózimniń jarystarǵa daıyndalýyma kedergi bolsa da, Germanııa úshin oınaýǵa barymdy salamyn. Eń bastysy, qurama úshin kútken nátıjege qol jetkizsek, boldy», dedi Anjelıka Kerber.
Eske sala keteıik, budan buryn qazaqstandyq jas tennısshilerdiń Ońtústik Koreıamen oınaıtynyn, Germanııa quramasynyń kapıtany Rybakına men Kerberdiń oıyny qyzyqty bolatynyn aıtqanyn jazǵan bolatynbyz.
