07:34, 14 Qańtar 2015 | GMT +5
Germanııanyń Astanadaǵy elshiligi Facebook-te vıza máseleleri boıynsha keńester beredi
ASTANA. QazAqparat - Germanııanyń Astanadaǵy elshiligi jaqyn arada Facebook-tegi paraqshasynda «Konsýldan sura» dep atalatyn jańa aıdar ashylatynyn habarlaıdy, dep oqyrmandarǵa aqparat bergen dıplomatııalyq ókildik joǵaryda atalǵan áleýmettik jelide.
«Kez kelgen tilek bildirýshi dostarymyz Facebook-te info@astana.diplo.de elektrondy meken-jaıǵa «Facebook: Konsýldan sura» taqyrybyna vıza ashýǵa ótinish berý rásimi jóninde qysqasha suraqtaryn bere alady. Budan keıin konsýl ár apta saıyn oqyrmandarymyzdan túsken eń qyzyqty degen suraqtardyń birine jaýap qaıtarady», - delingen habarlamada.
Aqparattyq qaýipsizdik úshin elshilik ókilderi suraqtardy túsindirmelerde jarııalamaı, elektrondy poshta arqyly ǵana jiberýdi usynady.
«Suraq berýshiniń aty-jóni atalmaıdy», - dep atap ótilgen elshiliktiń Facebook paraqshasyndaǵy jarııalanymynda.