Germanııanyń 2017 jylǵy eń sulý qyzy anyqtaldy
ASTANA. QazAqparat - GFR-degi Leıptsıg qalasynyń 18 jasar mektep oqýshysy "Germanııa arýy" konkýrsynyń jeńimpazy atandy. Konkýrs fınalyna 21 úmitker qatysty. Al bıyl atalmysh konkýrstyń 90 jyldyǵy atalyp ótildi.
Leıptsıg qalasynyń 18 jasar mektep oqýshysy Zoraııa Kolman (Soraya Kohlmann) "Germanııa arýy - 2017" tıtýlyn jeńip aldy. Baden-Vıýrtemberg federatıvti ólkesiniń Rýst qalasyndaǵy Europa-Park oıyn-saýyq saıabaǵynda ótken konkýrstyń nátıjesi 19 aqpan, jeksenbi kúni túnde belgili boldy.
Barlyq qatysýshy qyzdar sahnaǵa keshki kóılektermen, sondaı-aq shomylý kostıýmimen shyqty. Germanııanyń túkpir-túkpirinen kelgen myńdaǵan qatysýshylar fınalǵa iligý úshin birneshe irikteý kezeńderinen ótti. Fınaldyq shoýdyń ázirligi arnaıy jattyǵý lagerinde ótti.
Bıylǵy jyly "Germanııa arýy" (Miss Germany) konkýrsy óziniń 90 jyldyǵyn toılady. Bul saıys eń alǵash ret 1927 jyly ótken edi.
