Germanııanyń joǵary laýazymdy ókilderi maýsym aıynda Qazaqstanǵa keledi
ASTANA. KAZINFORM – 2026 jylǵy maýsym aıynda Qazaqstanǵa Germanııa Federaldyq Respýblıkasynyń joǵary laýazymdy ókilderi jumys saparymen keledi. Bul týraly Qazaqstan Respýblıkasy Syrtqy ister mınıstrliginiń resmı ókili Erlan Jetibaev málimdedi.
Onyń aıtýynsha, 15-16 maýsym kúnderi Qazaqstanǵa Germanııa Federaldyq Ekonomıka jáne klımatty qorǵaý mınıstrliginiń parlamenttik memlekettik hatshysy Shtefan Raýnhoff keledi. Al 29-30 maýsym aralyǵynda Germanııanyń Federaldyq ekonomıka jáne energetıka mınıstri Katerına Raıhe sapar jasaıdy.
Josparǵa sáıkes, saparlar barysynda Qazaqstan basshylyǵymen jáne salalyq memlekettik organdardyń ókilderimen kezdesý ótedi.
– Negizgi nazar Qazaqstan men Germanııa arasyndaǵy saýda-ekonomıkalyq jáne ınvestıtsııalyq yntymaqtastyqty odan ári damytý máselelerine aýdarylady. Taraptar energetıka jáne shıkizat salalaryndaǵy ózara is-qımyldy, ónerkásiptik kooperatsııany keńeıtýdi, sondaı-aq strategııalyq mańyzy bar shıkizat materıaldary salasyndaǵy jobalardy qosa alǵanda birlesken jobalardy iske asyrý máselelerin talqylaýdy josparlap otyr, – dedi ol.
Sonymen qatar spıker aldaǵy saparlar bıik jáne joǵary deńgeıdegi ekijaqty baılanysty odan ári damytýdyń mańyzdy kezeńi retinde qarastyrylyp, Qazaqstan men Germanııa arasyndaǵy strategııalyq seriktestiktiń damýyna qosymsha serpin berýge baǵyttalǵanyn atap ótti.
Buǵan deıin Germanııanyń Qazaqstan ekonomıkasyna ınvestıtsııasy 28,5 paıyz óskenin jazǵanbyz.
