Germanııanyń sotsıal-demokrattary parlamenttik saılaýda negizgi kandıdat retinde Sholtsti usynady

ASTANA. KAZINFORM – Germanııa parlamentine saılaý 2025 jyldyń 23 aqpanynda ótedi, dep habarlaıdy Kazinform menshikti tilshisi.

Sotsıal-demokrattar óz partııasynan negizgi kandıdat qazirgi kantsler Olaf Sholts bolady dep sheshti. Bul sheshim 2025 jyldyń 11 qańtarynda ótetin GSDP partııalyq sezinde resmı túrde bekitiledi dep josparlanyp otyr.

Buǵan deıin Germanııanyń sotsıal-demokratııalyq partııasynyń (SDP) depýtattary aqpan aıyndaǵy saılaýǵa túsetin tanymal qorǵanys mınıstri Borıs Pıstorıýsty qoldap, ishki jıynda alǵash ret sóz sóıledi. 

Alaıda 21 qarashada B.Pıstorıýs saılaý dodasyna qatysýdan bas tartqanyn málimdedi.

Búginde kantslerge kandıdattar retinde HDO jetekshisi Frıdrıh Merts pen «Odaq 90/Jasyldar» partııasynan GFR vıtse-kantsleri Robert Habek bar.

7 jeltoqsanda «Germanııa úshin balama» ásire ońshyl partııasynyń jetekshileri ózderiniń kandıdaty, «Germanııa úshin balama» tóraıymy Alısa Vaıdeldi usynýǵa nıetti.

Qazirgi kezde quramyna SDP jáne «Odaq 90/Jasyldar» kiretin burynǵy bıleýshi koalıtsııadan Germanııanyń erkin demokratııalyq partııasy shyǵyp ketti. 

O.Sholts 2025 jyldyń qańtarynda Býndenstagtan Germanııa bastan keship otyrǵan problemalar aıasynda óz úkimetine senim votýmyn suraǵysy keletinin málimdedi.

Degenmen, Germanııanyń yqtımal kelesi kantsleri, ortalyq ońshyl kúshteriniń jetekshisi Frıdrıh Merts eldiń qazirgi kantsleri, solshyl Olaf Sholtsti eldiń úsh partııalyq basqarýshy koalıtsııasy ydyraǵannan keıin kútiletin kezekten tys saılaýdyń ýaqytyn aıtarlyqtaı tezdetýge shaqyrdy. 

Osy aptada O.Sholts 11 jeltoqsanda óz úkimetine senim votýmyn 16 jeltoqsanda ótkizýge ótinim beretinin, al el parlamentine saılaý kelesi jyldyń 23 aqpanynda ótetinin rastady.