Germanııanyń sotsıal-demokratııalyq partııasy kantsler qyzmetine Olaf Sholtsty usyndy
ASTANA. KAZINFORM – Senbi kúni Germanııanyń basqarýshy Sotsıal-demokratııalyq partııasy (GSDP) 23 aqpanǵa belgilengen federaldy saılaýǵa partııanyń kandıdaty retinde qazirgi kantsler Olaf Sholtsty resmı túrde jarııalady, dep habarlaıdy Kazinform agenttiginiń menshikti tilshisi.
Berlındegi partııa sezinde GSDP delegattary basym kópshilikpen Olaf Sholtstiń basshylyǵyn saqtap qalýǵa daýys berdi, tek birneshe delegat qarsy boldy.
Qazirgi kantsler óz sózinde «qarapaıym halyq úshin» ádil jalaqyny, qoljetimdi baspana men turaqty zeınetaqyny qamtamasyz etýge shaqyrdy.
Jaqynda AQSh-tyń saılanǵan prezıdenti Donald Tramp Vashıngtondy Grenlandııany baqylaýǵa alýǵa shaqyrǵannan keıin, óz kezeginde Olaf Sholts egemendi shekaralardyń prıntsıpterin qorǵaýǵa úndeý jasady.
2021 jyly GSDP delegattarynyń 96,2% jasyryn daýys berý arqyly kantsler laýazymyna Sholtsty usynýdy qoldady. Sol kezeńde GSDP parlamenttegi eń iri partııa boldy.
2024 jyly jeltoqsanda Býndestag depýtattarynyń kópshiligi Olaf Sholts úkimetine senimsizdik votýmyn qoldady.
Eske salsaq, byltyr qyrkúıek aıynda Germanııanyń Federaldyq kantsleri Olaf Sholts Qazaqstanǵa saparmen kelgen.