Germanııanyń Reınland-Pfalts federaldyq jerinde saılaý aıaqtaldy

Bul jyldaǵy bes óńirlik saılaýdyń ekinshisi bolyp otyr, al birinshi saılaý 8 naýryzda Baden-Vıýrtembergte ótken edi. 2025 jyly federaldyq deńgeıde úkimet aýysyp, kantsler bolyp Frıdrıh Merts (Hrıstıan-demokratııalyq odaq) saılanǵandyqtan, bul saılaý eldiń jańa saıasatyna halyqtyń senim deńgeıin baǵalaýshy ındıkator retinde qarastyrylady.

Reınland-Pfalts (Rheinland-Pfalz) — Germanııanyń batys ońtústik-batysyndaǵy federaldyq jeri. Bul Germanııanyń eksportqa baǵyttalǵan eń iri aımaqtarynyń biri bolyp sanalady. Sonymen qatar, Reınland-Pfalts eldiń negizgi sharap óndiris aımaǵy retinde tanymal. Germanııanyń 13 sharap óńiriniń 6-sy osy jerde ornalasqan, sonyń ishinde áıgili Mozel men Pfalts. Germanııanyń sharap eksportynyń 70%-dan astamy Reınland-Pfaltstan shyǵarylady.

Sondaı-aq bul jerde avtomobıl jasaý salasy damyǵan (Mercedes-Benz, Opel zaýyttary) jáne farmatsevtıka salasy da (Boehringer Ingelheim kompanııasy). Maınts qalasynda COVID-19-ǵa qarsy alǵashqy mRNQ vaktsınasyn jasaǵan BioNTech kompanııasy ornalasqan, bul sońǵy jyldary jerdiń bıýdjetin arttyrýǵa yqpal etti.

Reınland-Pfalts uzaq jyldar boıy Germanııanyń eńbek odaqtary men sotsıal-demokrattardyń (SDPG) myqty pozıtsııasy bar aımaq bolyp sanalǵan. Partııa 1991 jyldan beri osy jerdiń premer-mınıstri laýazymyn úzilissiz atqaryp keledi.

Degenmen, bıyl sotsıalısterge HDS tarapynan qatty syn kútip tur. Gordon Shnıderdiń jetekshiligindegi HDS saılaýda agressıvti naýqan júrgizip, federaldyq saıasat pen mıgratsııa máselelerine qatysty halyqtyń narazylyǵyn paıdalanyp otyr.

Aldyn ala ekzıtpoldar men 18:00-degi boljamdarǵa sáıkes, HDS kósh bastap tur (shamamen 36%), SDPG-ny (shamamen 32%) artqa qaldyryp otyr. Solshyl AdG (AfD) partııasy daýysy aıtarlyqtaı artqan jáne úshinshi orynǵa (shamamen 20–24%) talasyp otyr.

Osyǵan deıin Germanııa álemde qarý-jaraq eksporty boıynsha tórtinshi orynda turǵanyn jazǵanbyz.