Germanııanyń Kıl qalasy kommýnaldyq jumysshylar ereýilinen keıin qoqysqa toldy

ASTANA. KAZINFORM – Shlezvıg-Golshteın jeriniń astanasy Kılde qalalyq qoqys shyǵarý qyzmeti ótken sársenbiden beri ereýilde. Saldarynan qala kósheleri qazirdiń ózinde qoqysqa toldy, dep habarlaıdy Kazinform menshikti tilshisi.

Германияның Киль қаласы коммуналдық жұмысшылар ереуілі
Фото: superhause.de

Úlken qalanyń lastanýy týraly jergilikti Bild basylymy jazdy.

Qalalyq qoqys tasıtyn kólikter osy aptanyń jumasyna deıin jumysqa shyqpasa, bul qoqys shyǵarýda toǵyz kúndik úzilisti bildiredi.

Jergilikti turǵyn Andre nemis basylymyna bergen suhbatynda: «Qoqys jáshikterine túsip, qoqysty laqtyrmaq bolǵan kezde adamnyń ústinen sekiretin egeýquıryqtar ásirese qorqynyshty», - dep shaǵymdandy.

Keıbir turǵyndar qaldyqtaryn ózderi qaıta óńdeý beketterine aparyp júr – onda uzyndyǵy 300 metrge deıin kezek paıda boldy. Bul jaǵdaı sozylýy múmkin, sebebi jumadan keıin demalys kúnderi bolady, ol kúnderi qoqys shyǵarylmaıdy.

Múddeler qaqtyǵysy Germanııada jalǵasyp jatqan turǵyn úı jáne kommýnaldyq sharýashylyq qyzmetkerleriniń ereýilimen baılanysty. Verdi kásipodaǵy jalaqyny 8 paıyzǵa, biraq 350 eýrodan kem emes ósirýdi talap etip otyr. Ereýil qaldyqtardy jınaýǵa ǵana emes, sonymen qatar balabaqshalarǵa, aýrýhanalarǵa, tipti áýejaılarǵa da áser etti.

Osyǵan deıin Germanııanyń alty federaldy jerinde qoǵamdyq kólik jumysshylarynyń narazylyq sherýi ótkeni týraly habarladyq.

 

Сейчас читают