Germanııanyń burynǵy kantsleri Angela Merkeldiń kitaby bestseller boldy

ASTANA. KAZINFORM – Merkeldiń estelikteri 2024 jyly kitap naryǵynda óz jolyn sátti bastady. Ǵalamtor paıdalanýshylary pikirleriniń kóptigi Amazon-dy bul fýnktsııany óshirýge májbúr etti, dep habarlaıdy DW aqparat agenttigi.

Germanııanyń burynǵy kantsleriniń «Bostandyq» (Freiheit) kitaby 26 qarashada satylymǵa shyqty. Al Angela Merkeldiń estelikterine kópshiliktiń qyzyǵýshylyǵy óte joǵary boldy.

GDR-daǵy balalyq shaǵy, Gelmýt Kol úkimetindegi qyzmeti jáne GFR kantsleri retindegi alǵashqy áıeldiń saıası mansabyndaǵy basqa da mańyzdy kezeńderi týraly baıandaıtyn bul kitaptyń aınalasyndaǵy tolqýlar satylym sandarynan kórinis tapty.

Angela Merkeldiń estelikter kitaby eń sátti boldy dep aıta alamyz: bıyl birde-bir kitap kitap naryǵyna kirgennen keıingi birinshi aptada mundaı tabysqa jetken joq. Alǵashqy aptada kitaptyń 200 myńnan astam danasy satyldy, dep habarlaıdy Der Spiegel aptalyǵy. Jalpy, jyldyń aldyn ala qorytyndysy boıynsha Germanııanyń kitap naryǵynda eń kóp satylatyn kitaptardyń qatarynda basqa kitaptar bar.

Angela Merkel uzaq jyldar boıy birge júrgen Beata Baýmanmen birge 736 bet kitap jazdy. Onyń kólemi ǵana emes, baǵasy da áserli. Onyń bir danasy 42 eýro turady, bul nemis kitap naryǵy úshin aıtarlyqtaı qymbat. Internet qoldanýshylarynyń biri bul týraly Amazon.de-daǵy retsenzııalarda jazdy.

- Qatty kóńilim qaldy. Merkel ózin-ózi synǵa almaıtyny anyq. Men onyń saıasatkerler týraly anekdottardyń, olarmen qalaı tanysqany týraly egjeı-tegjeıli jazylǵanyn qalar edim. Qyzyqty, biraq áserli emes. Onyń ústine, bul 42 eýro, tym qymbat, - dep atap ótti Iens. 

Aıtpaqshy, nemis BAQ n-tv jáne Bild baıqaǵandaı, Amazon Angela Merkeldiń kitabynyń astyndaǵy pikirlerdi jaýyp tastady.

Eske sala ketsek, Birikken Ulttar Uıymynyń Bosqyndar isi jónindegi joǵarǵy komıssar basqarmasy (BUU BJKB) 2022 jylǵy Nansen syılyǵy laýreatynyń esimin jarııalady. Bul joly qurmetti syılyq Angela Merkelge berildi.