Germanııanyń barlaý qyzmetine KVI shyǵý tegi týraly aqparatty jarııalamaýǵa ruqsat berildi

ASTANA. KAZINFORM — Germanııanyń Federaldyq barlaý qyzmeti (BND) koronavırýstyń Ýhandaǵy yqtımal zerthanalyq shyǵý tegi týraly ne biletinin jarııalaýǵa mindetti emes, dep habarlaıdy BIID. 

Leıptsıgtegi Federaldyq ákimshilik sot bul aqparatqa qol jetkizbek bolǵan baspanyń ótinishin qabyldaǵan joq.

Sot eger BND óz derekterin rastasa nemese joqqa shyǵarsa, bul «qyzmettiń jumysyn buzyp, Germanııanyń syrtqy saıası múddelerine zııan keltirýi múmkin» dep dáıektedi. Sýdıalar sondaı-aq aqparattyń ashylýy «BND-niń barlaý kózderi men jumys ádisteri týraly qorytyndy jasaýǵa múmkindik beretinin» málimdedi. 

Baspanyń taǵy bir ótinishi úkimetpen baılanysy bar vırýsologqa qatysty (onyń aty-jóni jarııalanbady) — talapker bul adamnyń memlekettik qaýipsizdik qyzmetiniń tekserisinen ótý-ótpeýin bilgisi keldi. Alaıda sot «jeke derekterdi qorǵaý máselelerine» silteme jasap, bul ótinimdi de qabyldanǵan joq.

Buǵan deıin Aq úı koronavırýs indetiniń «shynaıy shyǵý tegi» týraly veb-paraqsha ashqanyn jazǵan bolatynbyz. 

Ótken jyly ǵalymdar COVID-19 indeti bastaý alǵan jerdi anyqtady.