Germanııamen quqyqtyq yntymaqtastyq jasaldy

ASTANA. QazAqparat - «100 naqty qadam» Ult josparynda qarastyrylǵan 5 ınstıtýtsıonaldy reformany júzege asyrý aıasynda 18-20 shilde kúnderi quqyq qorǵaý júıesin jańǵyrtý boıynsha vedomstvoaralyq jumys tobyna jetekshilik etetin Prezıdent kómekshisi - Qaýipsizdik Keńesiniń hatshysy N.B. Ermekbaev bastaǵan Qazaqstan delegatsııasy Germanııa Federatıvtik Respýblıkasyna saparlady, dep habarlaıdy GFR-degi QR Elshiligi.

Sapardyń basty maqsaty - quqyq qorǵaý organdarynda kadrlardy irikteý jáne daıyndaý, federaldyq jáne jer polıtsııasy arasyndaǵy ózara is-qımyldy uıymdastyrý, qylmystyq jazalaý júıesin zertteý boıynsha álemniń aldyńǵy qatarly tájirıbelerimen tanysý.

Sapar barysynda Syrtqy ister mınıstrligi men federaldyq Іshki ister mınıstrliginiń (Berlın), aımaqtyq polıtsııa organdary jáne penıtentsıarlyq júıe, sondaı-aq polıtsııa akademııasy (Tómengi Saksonııa) basshylyǵymen kezdesýler ótkizildi.

Ótkizilgen is-sharalar nátıjesi qyzmetkerlerdi áleýmettik qorǵaý jáne olardyń qarjylaı rızalyǵy, quqyq qorǵaý qyzmetiniń mártebesi men tıimdilikti arttyrý boıynsha júrgizilip jatqan jumystar barysynda eskeriletin bolady.

Sapar barysynda N. Ermekbaev Bremendegi «Raınmetal grýp» áskerı-ónerkásiptik kásipornynda boldy, onda óndiriletin ónimderdiń úlgileri usynyldy.