Germanııalyq oqýshy Nıýton sheshe almaǵan esepti sheshti
ASTANA. 29 mamyr. QazAqparat - Germanııada 16 jasar jasóspirim óz betimen bólshekter dınamıkasynyń eki teorııasynyń mánin tapty.
Osyǵan baılanysty ony danyshpandardyń qataryna qosyp otyr. Oqýshy álemniń úzdik ǵalymdary 350 jyl boıy bastaryn qatyrǵan eseptiń sheshýin jarııa etti. Bul týraly Eýrazııa birinshi arnasy na silteme jasap, BAQ.kz jazady.
Lifenews.ru habarlaǵandaı, 16 jasar jasóspirimniń Úndistannan otbasymen Germanııaǵa kóship kelgenine tórt jyldaı bolǵan. Shoýrıııa Reı bólshekter dınamıkasynyń eki fýndamentaldi teorııasyn óz betimen sheshýge qol jetkizgen. Ony sheshý úshin kórnekti ǵalymdar kúsh saldy, tipti eń qýatty kompıýterlerdi paıdalaný da nátıjege jetkize qoımady. Bul esepti sheshýdi aldymen kezinde Isaak Nıýtonnyń ózi qolǵa alǵan edi.
Shoýrıııa bul esepti sheshýde óziniń jeke qabiletin synap kórmek bolǵan kórinedi. «Meni qyzyǵýshylyq jeńdi, - dedi jas danyshpan. - Bastapqyda belgili bir nátıjege jetem dep oılaǵam da joq». Osylaısha, 16 jasar úndistiń jańalyǵy ǵalymdardyń birden birneshe ǵylymı máselelerdi sheshýine múmkindik týdyryp otyr. Atap aıtqanda, endi mamandar doptyń qabyrǵadan yrshyp túsýiniń naqty traektorııasyn aıtyp bere alady.
Aıta keteıik, Shoýrıııa matematıkamen kópten beri aınalysady, onyń bul salaǵa qumartýshylyǵyn týǵyzǵan ınjener ákesi kórinedi.
