Germanııalyq MMA faıteri jeńimpazdar tuǵyryna Qazaqstannyń týymen shyqty
ASTANA. QazAqparat - Aralas jekpe-jekten Eýropa chempıonatynda (IMMAF) Edýard Keksel qazaqstandyq baıraqpen marapattaý rásimine shyqty, dep habarlaıdy QazAqparat Habar 24 telearnasyna silteme jasap.
Keksel Qostanaı oblysynda dúnıege kelgen, biraq kóp jyldar boıy Germanııada ómir súrip, halyqaralyq jarystarda nemisterdiń atyn qorǵaǵan. Degenmen Edýard Eýropa chempıonatynda oǵan ómir syılaǵan elge qurmet kórsetýge sheshim qabyldady.
Aıqastyń jeńimpazy jeńis tuǵyryna týǵan eliniń kók baıraǵyn kóterip shyqty. «Men Qazaqstan quramasyn jarystarda kórgenime óte qýandym. Men fınaldyq jekpe-jekti jeńip alǵan kezde, qazaqstandyq jigitterden marapattaý rásiminde elimizdiń týyn ózimmen alyp shyǵýǵa ýaqytsha surap alǵan bolatyn. Men Otanymdy saǵyndym», - deıdi Edýard Keksel.
