Germanııalyq Lufthansa áýe kompanııasynyń ushaǵy Frankfýrt áýejaıyna apatty jaǵdaıda qondy
ASTANA. QazAqparat - Germanııanyń Lufthansa áýe kompanııasynyń ushaǵy Maındaǵy Frankfýrt halyqaralyq áýejaıynan ushyp shyqqan soń seısenbi kúni keri oralyp, apatty jaǵdaıda qonýǵa májbúr boldy.
Oqıǵa saldarynan eshkim zardap shekpedi, dep habarlaıdy TASS. Frankfýrt-Maıamı baǵyty boıynsha ushýy tıis bolǵan LH462 reısi ushaǵynyń bir qanatynda áýege kóterilý jáne qoný kezinde ashylyp-jabylatyn klapandardyń birinde aqaýlyqtar týyndaǵan. Sondyqtan ushaq keri burylyp, Frankfýrtke qonǵan. Ushaq ishinde 66 jolaýshy bolǵan. Olarǵa basqa ushaqtyń qyzmeti usynyldy. Esterińizge sala keteıik, Lufthansa kompanııasynyń quramyndaǵy Germanwings áýekompanııasyna tıesili ushaq 24 naýryz kúni Alpi taýynyń shatqaldaryna qulady. Ushaq bortynda 144 jolaýshy, 6 ekıpaj múshesi bolǵan. Jolaýshylardyń 16-sy mektep oqýshysy, 2-ýi sábı.
