Germanııalyq erli-zaıyptylar joǵalǵan mysyqty izdeýge 22 myń dollar jumsady
ASTANA. KAZINFORM — Germanııalyq erli-zaıyptylar Rafal men Monıka Klıaınshmıdt joǵalǵan mysyqty izdeýge 22 myńnan astam dollar jumsady, dep habarlaıdy The Times.
Neron laqap aty bar mysyq 2024 jyldyń shildesinde Rafal men Monıka demalysqa shyǵýdy josparlaǵan kezde úıden qashyp ketkeni habarlandy.
— Men demalysymdy áıelimmen Kımgaýda ótkizgim keldi. Ol sol jerde ońaltý ortalyǵynda boldy. Men Erlangendegi qonaqúıge toqtadym. Sosyn Neron kólik qorabynan sekirip, qashyp ketti, - deıdi Rafal.
Osydan keıin erli-zaıyptylar mysyqty tabý úshin qoldan kelgenniń bárin jasady. Atap aıtqanda, olar demalys saıyn 450 shaqyrym jol júrip, mysyqtyń sýreti bar plakattar ilip, onyń nazaryn aýdarý úshin ol jaqsy kóretin týnets balyǵyn satyp alady.
Aıtýynsha, úı janýaryn izdeý kezinde erli-zaıyptylar benzınge, qonaqúıge turýǵa, arnaıy kameralar men tamaqqa barlyǵy 22 myń dollar jumsaǵan.
Sátsiz izdenisterge qaramastan, Rafal men Monıka úmitin úzbedi. Sonymen qatar, mysyq mıkrochıptelgen, sondyqtan onyń qaıda ekenin kez kelgen ýaqytta eriktilerdiń nemese jaı ǵana qamqor adamdardyń kómegimen bilýge bolady.
—Ol men úshin mańyzdy. Ol — bizdiń otbasymyzdyń dosy ári múshesi. Al dostaryńdy tastaýǵa bolmaıdy. Men berilmeımin. Onyń áli tiri ekenine senemin, - deıdi Rafal.
Eske sala keteıik, Germanııada sáýir aıynda kún energııasy negizgi elektr energııa kózine aınalǵany jaıly jazǵan edik.