Germanııaǵa kóship barǵan nemis otbasy jerlesterin Naýryz meıramymen quttyqtady
KÓKShETAÝ. KAZINFORM - Aqmola oblysynan Germanııaǵa kóship barǵan nemis otbasy áleýmettik jeli arqyly jerlesterin Naýryz meıramymen quttyqtady.
Bul týraly Zerendi aýdany ákimdiginiń áleýmettik jelidegi paraqshasynda beınejazba jarııalandy. Onda «Qyzylsaıa eliniń týmalary Bokı Pavel jáne Irma hanym Germanııa memleketinen jalyndy sálem joldady!», dep jazylǵan.
«Men Bokı Pavel Ivanovıchtiń balasymyn. Zerendi aýdanynyń Qyzylsaı aýylynda týdym. 1996 jyly Germanııaǵa kóship kettik. Sizderdi Naýryz merekesimen quttyqtaımyz. Sizder anda, biz mynda aman bolaıyq! Aspanymyz ashyq bolsyn!», dep aıtady beınejazbadaǵy quttyqtaý sózinde germanııalyqtar.
28 jyl buryn Germanııaǵa kóship ketse de, qazaq tilin umytpaǵan nemis ultynyń ókiline el súısindi.
«Jaraısyndar jerlester», «Raqmet jandarym. Týǵan jerge degen saǵynysh árqashan tildiń ushynda turmaq qoı. Ǵumyrly, úbirli- shúbirli bolyńdar, baýyrlar. Raqmet sizderge. Germanııada turyp qazaqsha sóılegenderine raqmet, aınalaıyndar», dep pikir qaldyrdy jeli qoldanýshylar.
Aıta ketsek, budan buryn Amal merekesi kúni qyzyljarlyq ónerpazdar aqmolalyq áriptesterimen kóriskenin jazǵan edik.
